ខេត្ត Cà Mau សម្រេច ១/២ បមាណីសំខាន់ៗ ដែលនាយករដ្ឋមន្ត្រីប្រគល់ឱ្យ

បន្ទាប់ពីជាង ៣ ឆ្នាំនៃការអនុវត្តកម្មវិធីគោលដៅជាតិសម្រាប់អភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំ ដំណាក់កាលទី ១៖ ២០២១-២០២៥ (កម្មវិធី) ជីវភាពសម្ភារៈ និងស្មារតីរបស់បងប្អូនជនរួមជាតិភាគតិចនៅ Cà Mau បានលើកកម្ពស់យ៉ាងច្បាស់ក្រឡែត។

កម្មវិធីគោលដៅជាតិអភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច រួមចំណែកផ្លាស់ប្តូរមុខមាត់ជនបទ ជីវភាពបងប្អូនជនរួមជាតិភាគតិចនៅ Cà Mau កាន់តែមានស្ថិរភាព ប្រសើរឡើង។

ខេត្តបានផ្សព្វផ្សាយអនុវត្តយ៉ាងពេញលេញចំនួន ១០ គម្រោង ព្រមទាំង ១០/១៤ អនុគម្រោង និង ៣១/៣៦ ខ្លឹមសារសមាសភាគនៃកម្មវិធី ដោយមានទុនសរុបជិត ៤៤៥ ពាន់លានដុង។ មកទល់ពេលនេះ បានបើកថវិកាជាង ៣៤១ ពាន់លានដុង ស្មើនឹងជាង ៧៦,៧៣% នៃផែនការទុនសម្រាប់ដំណាក់កាល ២០២១-២០២៥ ក្នុងនោះអត្រាបើកប្រាក់ប្រចាំឆ្នាំសុទ្ធតែសម្រេចជាង ៩០%។ ជាពិសេស ខេត្ត Cà Mau បានសម្រេច ១/២ បមាណីសំខាន់ៗដែលនាយករដ្ឋមន្ត្រីនៃរដ្ឋាភិបាលប្រគល់ឱ្យ មានដូចជា៖ កាត់បន្ថយអត្រាគ្រួសារក្រជាជនជាតិភាគតិចជាមធ្យមជាង ២,៥% ក្នុងមួយឆ្នាំ។ បមាណីនៅសេសសល់ - ផ្តល់យ៉ាងតិចបំផុត ៤០% ចំនួនឃុំ និងជាង ៥០% ចំនួនភូមិ អនុសង្កាត់ ចេញពីតំបន់លំបាកពិសេស - គ្រោងនឹងសម្រេចនៅចុងឆ្នាំ ២០២៥។ ទន្ទឹមនឹងនោះ ខេត្តបានសម្រេច ៦/៨ ក្រុមគោលដៅ និងភាគច្រើននៃបមាណីសំខាន់ៗរបស់កម្មវិធី។

ទោះជាយ៉ាងណាក៏ដោយ ដំណើរការអនុវត្តនៅតែជួបការលំបាកមួយចំនួន។ ជាក់ស្តែង ល្បឿននៃការបែងចែកទុនជារឿយៗនូវមានការយឺតយ៉ាវ និងមានការកែសម្រួល បំពេញបន្ថែមជាច្រើនលើកនៅចុងឆ្នាំ ធ្វើឱ្យភូមិភាគមានការរអាក់រអួលក្នុងការអនុវត្តកម្មវិធី ជាពិសេសគឺថ្នាក់ឃុំ - កន្លែងដែលកម្លាំងសេនាធិការនៅមានកម្រិត និងទទួលបន្ទុកការងារច្រើន។ ប្រការនេះបានជះឥទ្ធិពលធំដល់ល្បឿននៃការបើកប្រាក់ទុន។ ទន្ទឹមនឹងនោះ គោលនយោបាយមួយចំនួនលែងសមស្របនឹងលក្ខខណៈភូមិភាគ ដូចជា៖ ការឧបត្ថម្ភដីនៅ ដីផលិត ក្នុងពេលដែលមូលនិធិដីស្ទើរតែលែងមាន។ ការឧបត្ថម្ភប្ដូរមុខរបរសម្រាប់គ្រួសារជនជាតិភាគតិចនៅមានកម្រិតទាប និងមិនទាន់បង្កើតបានមុខរបរចិញ្ចឹមជីវិតនឹងនរចីរភាព។ ក្រៅពីនេះ ការងារសម្របសម្រួល និងវាយតម្លៃវិស័យមួយចំនួននៅមានការយឺតយ៉ាវ។ ប្រព័ន្ធទិន្នន័យបម្រើការតាមដាន និងវាយតម្លៃកម្មវិធីមិនទាន់ស៊ីសង្វាក់គ្នា បង្កការលំបាកដល់ការបូកសរុបរបាយការណ៍ផ្សេងៗផងដែរ។

ផ្តើមពីកម្មវិធីគោលដៅជាតិសម្រាប់អភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច​ ហេដ្ឋារចនាសម្ព័ន្ធតំបន់ដែលមានជនរួមជាតិភាគតិចកុះករក្នុងខេត្ត ត្រូវបានវិនិយោគយ៉ាងស្រស់បំព្រង និងរឹងមាំល្អ។

លោក Huỳnh Công Thiệu ប្រធានការិយាល័យជនជាតិនៃមន្ទីរជនជាតិ និងសាសនាខេត្ត បានឱ្យដឹង៖ “ចាប់ពីពេលនេះរហូតដល់ចុងឆ្នាំ Cà Mau នឹងប្រមូលផ្តុំវិធានការជាច្រើន ដើម្បីពន្លឿនល្បឿនអនុវត្ត និងបើកប្រាក់ ជាពិសេសបន្ទាប់ពីខេត្តកែសម្រួល បំពេញបន្ថែមជាង ៣៦ ពាន់លានដុង (ផ្ទេរពីតំបន់ខេត្តបាកលីវចាស់ មកកាន់បណ្តាឃុំនៃខេត្ត Cà Mau (ចាស់) ក្នុងខែវិច្ឆិកា ឆ្នាំ ២០២៥។ មន្ទីរកំពុងជំរុញគ្រប់បណ្តាឃុំឱ្យប្រញាប់ប្រញាល់បញ្ចប់សំណុំឯកសារ និងបើកប្រាក់ឱ្យបានត្រឹមត្រូវតាមបទប្បញ្ញត្តិ។ គណៈកម្មាធិការប្រជាជនខេត្តក៏បានរៀបចំកិច្ចប្រជុំផ្ទាល់ជាមួយបណ្តាភូមិភាគទាំងឡាយ ដើម្បីពិនិត្យល្បឿន និងដោះស្រាយការលំបាក ធានាបើកប្រាក់ ១០០% នៃទុនវិនិយោគសម្រាប់ក្នុងឆ្នាំ ២០២៥”។

ទន្ទឹមនឹងនោះ ចំពោះអង្គភាពដែលមានអត្រាបើកប្រាក់ទាប គណៈកម្មាធិការប្រជាជនខេត្តក៏បានសំណូមពរឱ្យប្រមូលផ្តុំធនធាន និងពន្លឿនល្បឿនបណ្តាសំណង់ផ្សេងៗ ដើម្បីសម្រេចកម្រិតបើកប្រាក់ខ្ពស់បំផុតដែលអាចធ្វើបានក្នុងពេលវេលាដែលនៅសល់។ ផ្តើមពីនោះ “គណៈកម្មាធិការប្រជាជនខេត្តប្រគល់ឱ្យមន្ទីរជនជាតិ និងសាសនា សហការជាមួយមន្ទីរហិរញ្ញវត្ថុ ពិនិត្យ និងស្នើឱ្យមានការពន្យារពេលសម្រាប់អនុវត្តខ្លឹមសារនៃគម្រោងមួយចំនួនដែលចាំបាច់ពិតប្រាកដក្នុងឆ្នាំ ២០២៦។ ដោះស្រាយដាច់ស្រេចផ្នែកដើមទុននៃសកម្មភាពបន្តដែលលែងមានលទ្ធភាពចំណាយ អនុវត្តការសងត្រឡប់ថវិកាទៅតាមបទប្បញ្ញត្តិ” លោក Huỳnh Công Thiệu បានឱ្យដឹងបន្ថែមដូច្នេះ។

អាស្រ័យកម្មវិធីគោលដៅជាតិសម្រាប់អភិវឌ្ឍន៍សេដ្ឋកិច្ច-សង្គមតំបន់ជនជាតិភាគតិច ការងារបណ្តុះបណ្តាលវិជ្ជាជីវៈសម្រាប់ពលករជនបទត្រូវបានជំរុញយ៉ាងខ្លាំងខ្លា បង្កលក្ខណៈបង្កើនប្រភពប្រាក់ចំណូលទៀតផង។

ក្រៅពីនេះ ខេត្តបន្តធ្វើការពិនិត្យ ណែនាំគ្រប់បណ្តាភូមិភាគឱ្យឆាប់បញ្ចប់បណ្តាសំណង់ហេដ្ឋារចនាសម្ព័ន្ធ ទម្រង់មុខរបរចិញ្ចឹមជីវិត ឧបត្ថម្ភសុខាភិបាល អប់រំ។ល។ ដើម្បីធានាផលប្រយោជន៍របស់បងប្អូនជនរួមជាតិភាគតិចត្រូវបានអនុវត្តយ៉ាងពេញលេញ មិនទុកឱ្យប្រភពធនធានរបស់កម្មវិធីត្រូវយឺតយ៉ាវជាដាច់ខាត។

ដោយការផ្សព្វផ្សាយអនុវត្តយ៉ាងម៉ឺងម៉ាត់ និងស៊ីសង្វាក់នូវបណ្តាវិធានការ ខេត្តខិតខំសម្រេចខ្ពស់បំផុតនូវផែនការអនុវត្ត និងបើកប្រាក់នៃកម្មវិធីក្នុងឆ្នាំ ២០២៥ ធានាប្រសិទ្ធភាព និងត្រឹមត្រូវតាមគោលដៅសម្រាប់បម្រើបងប្អូនជនរួមជាតិភាគតិច៕

Quỳnh Anh