Truyền hình
ប៉ុន្មានឆ្នាំកន្លងមកនេះ ឃុំ Đá Bạc ក៏មានការផ្លាស់ប្តូរយ៉ាងសកម្មខាងការងារកាត់បន្ថយក្រ ជាពិសេសសម្រាប់ជនជាតិភាគតិច ផ្តើមពីផ្ទះស្នាក់នៅបណ្តោះអាសន្នរហូតដល់ការរស់នៅប្រកបដោយស្ថិរភាព ពីគ្រួសារខ្វះខាត រហូតដល់ក្លាយជាគ្រួសារគំរូក្នុងការផលិតប្រកបដោយប្រសិទ្ធភាព។ ទាំងអស់បានឆ្លុះបញ្ចាំងពីការប្តេជ្ញាចិត្តរបស់រដ្ឋអំណាចភូមិភាគ ព្រមទាំងការខិតខំឈានឡើងរបស់បងប្អូនប្រជាជន។ គោលដៅដល់ឆ្នាំ ២០៣០ ពោលគឺគ្មានគ្រួសារក្រីក្រជាជនជាតិភាគតិចទៀតទេសម្រាប់ភូមិភាគ។
អ្នកមីង Danh Ngọc Dân រីករាយពីព្រោះជីវភាពបានសុខក្សេមក្សាន្ត។
នាពេលថ្មីៗនេះ ឃុំ Đá Bạc ក៏បានអនុវត្តគោលនយោបាយសន្តិសុខសង្គមយ៉ាងស៊ីសង្វាក់គ្នា ដោយផ្តោតលើការជំនួយឧបត្ថម្ភតាមតម្រូវការជាក់ស្តែង។ តាមរយៈកម្មវិធីគោលដៅជាតិ គ្រួសារជនជាតិភាគតិចជាច្រើនបានទទួលការឧបត្ថម្ភផ្ទះសម្រាប់ស្នាក់នៅ បុលទុនអនុគ្រោះ ណែនាំបច្ចេកទេសក្នុងការផលិតសមស្របជាមួយលក្ខណៈភូមិភាគ។
បងស្រី Thị Lợi (ជនជាតិ Khmer ) រស់នៅភូមិ Đá Bạc A ដែលធ្លាប់ជាគ្រួសារក្រីក្រ បានចែករំលែកថា៖ “កាលពីមុន គ្រួសារខ្ញុំរស់នៅផ្ទះប្រក់ស្លឹក រាល់ភ្លៀងខ្យល់ម្តងៗ ខ្ញុំមានការភ័យខ្លាចខ្លាំងណាស់។ តែអាស្រ័យបានការឧបត្ថម្ភសង់ផ្ទះថ្មី និងអភិវឌ្ឍន៍របរផលិតងៀតត្រីកន្ធ ជីវភាពគ្រួសារក៏បានលំនឹងល្អប្រសើរជាមុនណាស់ដែរ”។
ដូចគ្នានេះដែរ គ្រួសាររបស់អ្នកមីង Danh Ngọc Dân នៅភូមិ Cơi ៥B ក៏ជួបការលំបាកច្រើនដែរ។ “ពីមុនខ្ញុំរស់នៅផ្ទះបណ្ដោះអាសន្ន រាល់រដូវមានភ្លៀងខ្យល់បក់មកម្តងៗ ខ្ញុំដេកមិនលក់ ឥឡូវរដ្ឋបានឧបត្ថម្ភផ្ទះ ប្តីប្រពន្ធខ្ញុំ បង្កើតមូលដ្ឋានផលិតងៀតត្រីកន្ធទើបជីវភាពបាននឹងនរល្ធ” អ្នកមីងយឹន បានឱ្យដឹងដូច្នេះ។
ដោយសារការអន្តរាគមន៍យ៉ាងខ្លាំងរបស់រដ្ឋអំណាចភូមិភាគ និងស្មារតីនៃការខិតខំឈានឡើងរបស់បងប្អូនប្រជាជន ដល់ចុងឆ្នាំ ២០៣០ អត្រានៃគ្រួសារក្រីក្រទូទាំងឃុំបន្ថយចុះនូវត្រឹម ១,៧៤%ប៉ុណ្ណោះ ក្នុងនោះគ្រួសារក្រជាជនជាតិភាគតិចស្រូបអត្រាទាបបំផុត។
កម្មករជាច្រើនមានការងារធ្វើនឹងនរពេលដែលរដ្ឋអំណាចភូមិភាគពង្រីករបរផលិតងៀតត្រីកន្ធ។
លោកស្រី Tô Hồng Chính អនុប្រធានគណៈកម្មាធិការប្រជាជនឃុំដាបាក បានមានប្រសាសន៍ថា៖ "យើងខ្ញុំកំណត់ការកាត់បន្ថយភាពក្រីក្រក្នុងជនរួមជាតិភាគតិជាភារកិច្ចដ៏សំខាន់ខ្លាំងណាស់។ ក្រៅពីការឧបត្ថម្ភលំនៅដ្ឋាន ភូមិភាគក៏តែងផ្តោតលើជីវភាពរស់នៅប្រកបដោយនិរន្តរភាព ដូចជាការបណ្តុះបណ្តាលវិជ្ជាជីវៈ បង្កើតការងារធ្វើ និងការជំនួយឧបត្ថម្ភខាងផលិតជាដើម"។
ដើម្បីសម្រេចបាននូវគោលដៅនៃចុងឆ្នាំ ២០៣០គ្មានគ្រួសារក្រីក្រជាជនជាតិភាគតិចទៀត ឃុំក៏បានធ្វើការផ្សព្វផ្សាយជាច្រើនវិធីសាស្ត្រ៖ បន្តការជំនួយឧបត្ថម្ភផ្ទះស្នាក់នៅសម្រាប់គ្រួសារក្រលំបាក ព្រមទាំងពង្រីកនូវរាល់បណ្តាទម្រង់ផលិតសមស្រប ដូចជារបរផលិតងៀតត្រីកន្ធ ដាំផ្សិត ចិញ្ចឹមជ្រូកធានាសុវត្ថិភាពនិងលក់ដូរកំប៊ិចកំប៉ុក។ល។ ចាត់តាំងការបណ្តុះបណ្តាលមយខរបរវិជ្ជាជីវៈផ្សារភ្ជាប់ជាមួយតម្រូវការទីផ្សារពលកម្ម។ ផ្តើមពីនោះ អំពាចវនាវអាជីកម្ម សប្បុរសជនដើម្បីរួមដៃគ្នាអនុវត្តគោលនយោបាយសន្តិសុខសង្គម។ ទន្ទឹមនិងនោះ ក៏យកចិត្តទុកដាក់ថែមទៀតដើម្បីកាត់បន្ថយខាងចិត្តសាស្ត្រ និងការពឹងផ្អែកលើជំនួយនៃការឧបត្ថម្ភ។
ផ្តើមពីផ្ទះដ៏រឹងមាំ និងបណ្តាគំរូខាងវិស័យសេដ្ឋកិច្ចប្រកបដោយប្រសិទ្ធភាពរហូតដល់ការផ្លាស់ប្តូរជីវភាពរស់នៅរបស់បងប្អូនប្រជាជន ភូមិ Đá Bạc កំពុងបញ្ជាក់ពីតួនាទីរបស់ខ្លួនជាតំបន់ឈានមុខគេក្នុងការគិតគូរជីវភាពជូនបងប្អូនជនរួមជាតិភាគតិច។ ជាមួយការប្តេជ្ញាចិត្តខ្ពស់ និងរបៀបធ្វើដ៏ត្រឹមត្រូវ រួមជាមួយការឯកភាពរួមដំណើរការទូទាំងប្រព័ន្ធនយោបាយ គោលដៅគ្មានគ្រួសារក្រីក្រជាជនជាតិភាគតិចនៅដាបាក ពោលគឺមិនមែនជាក្តីស្រមៃដ៏វែងឆ្ងាយទៀតនោះទេ ថែមទាំងកំពុងសន្សឹមៗក្លាយជាការពិតទៀតផង៕
Nguyễn Đào
Xem thêm bình luận