សហគមន៍ជនជាតិ Hoa សាមគ្គីកសាងមាតុភូមិ

ជាមួយស្មារតីសាមគ្គី និងការប៉ិនសប្រសព្វក្នុងការផលិតកម្ម ជួញដូរ សហគមន៍ជនចាតិចិននៅឃុំ Phú Tân ស្រុក Phú Tân ក៏មានជីវភាពធូរធា ប្រសើរឡើង ហើយបានរួមកម្លាំងគ្នាកសាងមាតុភូមិទៀតផង។

ឃុំ Phú Tân សហគមន៍ជនជាតិ Hoa មានទាំងអស់៥៤គ្រួសារ ភាគច្រើនជាអ្នកប្រកបមុខរបរខាងជួញដូរ។ ជីវភាពសេដ្ឋកិច្ចរបស់សហគមន៍ជនជាតិ Hoa នាពេលបច្ចុប្បន្ន មានការអភិវឌ្ឍន៍យ៉ាង សកម្ម ចំនួនគ្រួសារធូរធាស្រូបអត្រាខ្ពស់នៃចំនួនប្រជាជនទូទាំងឃុំ។ បងប្អូនជនជាតិ Hoa តែងសកម្មចូលរួមគ្រប់បណ្តាការផ្សព្វផ្សាយ ចលនាប្រពៃណីទូទាំងប្រជាជនសាមគ្គីកសាងជនបទថ្មី ក្រុងស៊ីវិល័យ។ រួមថវិការសម្រាប់មូលនិធិ តបស្នងគុណ និងមូលនិធិដើម្បីអ្នកក្រ ព្រមទាំងថវិកាសម្រាប់កែជួសជុល និងកសាងរាល់បណ្តាសំណង់សន្តិសុខសង្គម សប្បុរសធម៌ចូលរួមរក្សាការពាសន្តិសុខ និងសណ្តាប់ធ្នាប់សង្គម អប់រំទូន្មានកូនក្មួយ ឱ្យចូលរួមអនុវត្តល្អតាមការកំណត់របស់ច្បាប់។

នៅឃុំ Phú Tân សកម្មភាពសេដ្ឋកិច្ចរបស់បងប្អូនជនជាតិ Hoa ប្រមូលផ្តុំភាគច្រើនខាងសេដ្ឋកិច្ចឯកជន ទម្រង់ផលិត សមល្មម ជាពិសេសខាងវិស័យកសិកម្ម និងសេវាជួញដូរ។

លោក Nguyễn Thống Nhứt អនុប្រធានគណៈកម្មាធិការប្រជាជនឃុំ ឱ្យដឹង៖ សហគមន៍ជនជាតិ Hoa លើភូមិភាគ មិនត្រឹមតែពូកែខាងផលិតកម្ម ជួញដូរ រស់នៅសាមគ្គីភាព និងជួយឧបត្ថម្ភគ្នាវិញទៅមកដើម្បីរួមគ្នាសម្រាប់ការអភិវឌ្ឍសេដ្ឋកិច្ចប៉ុណ្ណោះទេ ថែមទាំងរួមកម្លាំងគ្នារក្សាការពារ និងអភិរក្សតម្លៃប្រពៃណីវប្ប ធម៌ដ៏ល្អផូរផង់របស់ជនជាតិខ្លួនទៀតផង។ ផែនមហាសាមគ្គីបណ្តាជនជាតិភាគតិចក៏ត្រូវបានពង្រឹងជំនឿទុកចិត្តរបស់បងប្អូនប្រជាជនមកលើបក្ស និងរដ្ឋ មួយថ្ងៃកាន់តែបានពង្រឹងខ្លាំងឡើង។  

ដែលលេចធ្លោជាងគេនោះ គឺស្មារតីជួយគ្នាទៅវិញទៅមកដើម្បីរួមគ្នាកាត់បន្ថយភាពក្រីក្រ។ ដោយទង្វើយ៉ាងជាក់ស្តែង ដូចការកៀគរបងប្អូនប្រជាជនដើម្បីបរិច្ចាគដីសម្រាប់ធ្វើថ្នល់ ឧបត្ថម្ភប្រាក់សាងស្ពាន ថ្នល់ និងរួមវិភាគទានទឹកប្រាក់សម្រាប់ឧបត្ថម្ភសកម្មភាពសប្បុរសធម៌របស់ ភូមិភាគ មានដូចជា៖ ឧបត្ថម្ភអង្ករ មីកញ្ចប់ និងគ្រឿសម្ភរៈផ្សេងៗដទៃទៀតសម្រាប់ចែកជូនបងប្អូនប្រជាជន និងជូនអាហារូបករណ៍ អំណោយ សៀវភៅសម្រាប់សិស្សក្រីក្រ។ល។ សហគមន៍ជន ជាតិ  Hoa បានចូលរួមចំណែកយ៉ាងសកម្មក្នុងការងារកាត់បន្ថយភាពក្រចីរភាពនៅភូមិភាគ។ 

 លោកQuách Văn Thôi ជនជាតិ Hoa និងជាអ្នកមានប្រជាប្រិយក្នុងជនរួមជាតិភាគតិចនៅឃុំ Phú Tân រីករាយឱ្យដឹង៖ ប៉ុន្មានឆ្នាំកន្លងមកនេះ ជីវភាពរស់នៅរបស់បងប្អូនជនជាតិភាគតិចយើងខ្ញុំ ក៏ត្រូវបានគ្រប់បណ្តាថ្នាក់យកចិត្តទុកដាក់យ៉ាងល្អប្រសើរឡើង។ វិស័យហេដ្ឋារចនាសម្ព័ន្ធខាងចរាចរក៏ទទួលបានការវិនិយោគកសាង ជួយបងប្អូនប្រជាជនលើភូមិ សាស្ត្រធ្វើដំណើរទៅមកប្រកបដោយភាពងាយស្រួល និងអភិ វឌ្ឍន៍ផលិត សាភ្ជាប់សម្រាប់ការជួញដូរ និងសន្តិសុខសង្គមក៏ធានាបានល្អ វិស័យសិក្សាអប់រំក៏ទទួលបានការវិនិយោគគ្រប់គ្រាន់ បន្ថយគម្លាតរវាងតំបន់ជាសន្សឹមៗ។ ជារៀងរាល់ឆ្នាំ សហគមន៍ជនជាតិ Hoa បានអនុវត្តល្អរាល់បណ្តាប្រពៃណីប្រឡងប្រណាំងស្នេហាជាតិ សហការជាមួយរដ្ឋអំណាចភូមិភាគក្នុងរាល់បណ្តាសកម្មភាពសន្តិសុខសង្គម ផ្សព្វផ្សាយចលនាដើម្បីជួយឧបត្ថម្ភគ្រួសារក្រីក្រ និងគ្រួសារជួបលំបាក បង្កើតការងារធ្វើដើម្បីរួមគ្នាឆ្លងកាត់ការលំបាក ឈានឡើងលំនឹងជីវភាព។

ក្នុងឱកាសបុណ្យទានប្រពៃណីម្តងៗ សហគមន៍ជនជាតិ Hoa តែងមានអង្ករ និងសម្ភារៈ​ប្រើ​ប្រាស់ផ្សេងៗ សម្រាប់ជូនគ្រួសារក្រជួបការលំបាក។ (ក្នុងរូបថត៖ ពិធីជូនអំណោយនៅវិហារ លោកយាយ Thiên Hậu ភូមិ Cái Đôi Vàm។

ត្រឡប់មកកាន់តំបន់ភូមិស្រុក Phú Tân យើងនឹងបានឃើញការផ្លាស់ប្តូរយ៉ាងច្បាស់ សម្រស់ជនបទបៅទីនេះមួយថ្ងៃកាន់ តែស្រស់ស្អាត។ ជីវភាពបងប្អូនរស់នៅប្រកបដោយភាពសុខសាន្ត ស៊ីវិល័យ បាននឹងកំពុងបានបង្ហាញយ៉ាងជាក់ច្បាស់ យោងតាមគ្រប់ដងផ្លូវច្រកល្ហក។ លោក Nguyễn Thống Nhứt ឱ្យដឹងបន្ថែមទៀតថា៖ ទន្ទឹមជាមួយថវិការដែលបានជំនួយឧបត្ថម្ភរបស់រដ្ឋ ឃុំតែងផ្តោតលើការប្រមូលផ្តុំកម្លាំងធនធានសង្គម និងធនធានផ្ទៃក្នុងរបស់ភូមិភាគពង្រឹងកម្លាំង របស់បងប្អូនប្រជាជនដើម្បីដើម្បីថែរក្សាជីវភាពរស់នៅរបស់ប្រជាជន។ អាស្រ័យហេតុនេះ បងប្អូនប្រជាជនក៏សកម្មក្នុងការអភិវឌ្ឍន៍ផលិត សកម្មចូលរួមរាល់សកម្មភាពរបស់ឃុំ និងភូមិ។ ជីវភាពរស់នៅរបស់បងប្អូនជនរួមជាតិភាគតិចមួយថ្ងៃកាន់តែមានការលើកកម្ពស់។ រហូតមកទល់សព្វថ្ងៃ សហគមន៍ជនជាតិ Hoa ទូទាំងឃុំ ពោលគឺគ្មានគ្រួសារណាក្រទៀតនោះទេ បងប្អូនទាំងឡាយសុទ្ធសឹងជាគ្រួសារធូរធាឡើងទៅ។

 គ្វីញអាញ