គោលនយោបាយដើម្បីប្រជាជនឃុំ Khánh Bình

ដោយប្រកាន់យកប្រជាជនជាមជ្ឈមណ្ឌលអភិវឌ្ឍ ពេលកន្លងមក ឃុំ Khánh Bình បានប្រមូលផ្តុំអនុវត្តយ៉ាងសស្រាក់សស្រាំនូវគោលនយោបាយសុខុមាលភាពសង្គម បង្កឱ្យមានការផ្លាស់ប្តូរយ៉ាងខ្លាំងក្លាក្នុងការលើកកម្ពស់គុណភាពរស់នៅរបស់ប្រជាជនក្នុងភូមិភាគ។

លោក Pham Văn Chiến (ទីពីរគិតពីស្តាំ) ក្នុងផ្ទះតបស្នងគុណដែលភូមិភាគបានឧបត្ថម្ភសាងសង់ ។

លោក Lê Minh Toàn អនុប្រធានគណៈកម្មាធិការប្រជាជនឃុំ Khánh Bình បានឱ្យដឹង៖ ដោយកំណត់ថាការបណ្តុះបណ្តាលវិជ្ជាជីវៈ និងដោះស្រាយការងារធ្វើ គឺជាដំណោះស្រាយគន្លឹះក្នុងការអនុវត្តគោលនយោបាយសង្គម ភូមិភាគបានផ្តល់អាទិភាពដល់ការអនុវត្តគោលនយោបាយការងារ ផ្សារភ្ជាប់ជាមួយដំណោះស្រាយជាក់ស្តែង ។ លទ្ធផល ក្នុងឆ្នាំ ២០២៥ ឃុំបានឧទ្ទេសការងារធ្វើជូនពលករចំនួន ១.៥០៧/១.២៧៦ នាក់ សម្រេចបាន ១១៦,៩% នៃផែនការ ។ អាស្រ័យហេតុនេះ ប្រជាជនជាច្រើនមានការងារធ្វើមានលំនឹង និងលើកកម្ពស់គុណភាពជីវិតជាលំដាប់ ។

ទន្ទឹមនឹងការអភិវឌ្ឍសេដ្ឋកិច្ច ការងារថែទាំគ្រួសារគោលនយោបាយ គ្រួសារក្រ និងមុខសញ្ញាគាំពារសង្គម បានឃុំអនុវត្តយ៉ាងពេញលេញ និងទាន់ពេលវេលាជូនមុខសញ្ញាជាង ១.៨០០ នាក់។ ក្នុងឱកាសពិធីបុណ្យទានផ្សេងៗ ភូមិភាគបានសហការរៀបចំសកម្មភាពជាក់ស្តែងជាច្រើនដូចជា៖ ការជួបសំណេះសំណាល សួរសុខទុក្ខ និងផ្តល់អំណោយ។ល។ ដល់អ្នកក្រ ពិសេសគឺ វីរៈអ្នកម្តាយ Việt Nam គ្រួសារគោលនយោបាយ ដែលបង្ហាញពីសីលធម៌ "ផឹកទឹកនឹកដល់ប្រភព" យ៉ាងជ្រាលជ្រៅ ។

ការងារឃោសនា និងចលនាប្រជាជនចូលរួមធានារ៉ាប់រងសម្រេចបានលទ្ធផលវិជ្ជមាន។ ជាក់ស្តែង អត្រាចូលរួមធានារ៉ាប់រងសុខភាពសម្រេចបាន ១០០%, បង្កើនថ្មីចំនួន ៤៨៦ ប័ណ្ណ។ មានមនុស្សចំនួន ៧៨១ នាក់ ចូលរួមធានារ៉ាប់រងសង្គមដោយស្ម័គ្រចិត្ត រួមចំណែកធានាសុខុមាលភាពយូរអង្វែង ។

កម្មវិធីកាត់បន្ថយភាពក្រីក្រមានការវិវឌ្ឍយ៉ាងសកម្ម ដោយមានដំណោះស្រាយឧបត្ថម្ភជាក់ស្តែងសម្រាប់គ្រួសារនីមួយៗ ។ អត្រាគ្រួសារក្រថយចុះនៅត្រឹម ២៦ គ្រួសារ ស្មើនឹង ០,៣៣%, សម្រេចបាន ២៦០% បើធៀបនឹងផែនការ។ ជាពិសេស ឃុំបានសម្រេចការសាងសង់ផ្ទះ១០៧ ខ្នង សម្រាប់គ្រួសារដែលមានជីវភាពលំបាក តាមកម្មវិធីលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោម ជួយឱ្យគ្រួសារជាច្រើនមានជម្រកមានលំនឹង។

គ្រួសារបងស្រី Nguyễn Thị Trang នៅភូមិ ១៩/៥ គឺជាករណីតំណាងម្នាក់ ។ ដោយគ្មានដីផលិតកម្ម ប្តីធ្វើជាងសំណង់ ចំណែកបងស្រីធ្វើឈ្នួលកាត់ស្មៅ ចំណូលមិនទៀងទាត់ ជីវភាពខ្វះខាត និងផ្ទះសម្បែងទ្រុឌទ្រោមខ្លាំង ។ ក្នុងឆ្នាំ ២០២៥ គ្រួសារបងស្រីត្រូវបានរដ្ឋអំណាចមូលដ្ឋានឧបត្ថម្ភថវិកា ៦០ លានដុង ដើម្បីសាងសង់ផ្ទះថ្មី ។ បងស្រីត្រាងបានរៀបរាប់ទាំងរំភើបថា៖ "មិនដឹងនិយាយអ្វីឱ្យអស់ពីក្តីសប្បាយរីករាយរបស់ប្តីប្រពន្ធខ្ញុំទេ នៅពេលមានផ្ទះរឹងមាំបែបនេះ។ ឥឡូវមិនបាច់បារម្ភរឿងភ្លៀងខ្យល់ទៀតឡើយ យើងនឹងខិតខំធ្វើការដើម្បីលំនឹងជីវិត" ។

នៅភូមិ Lung Bạ គ្រួសារលោក Phạm Văn Chiến ជាគ្រួសារគោលនយោបាយ ក៏ បានឧបត្ថម្ភថវិកា ៦០ លានដុង សាងសង់ផ្ទះថ្មីផងដែរ ។ លោក Chiến មានប្រសាសន៍ទាំងក្តីរំភើបថា៖ "ក្នុងវ័យ ៧០ ឆ្នាំទៅហើយ មានផ្ទះបែបនេះ ប្តីប្រពន្ធខ្ញុំអស់ចិត្តហើយ" ។

បងស្រី NguyễN Thị Trang (ខាងស្តាំ) រីករាយនៅក្បែរផ្ទះថ្មីដ៏រឹងមាំដែលទទួលបានការឧបត្ថម្ភពីភូមិភាគ ។

ទោះបីជានៅមានភូមិជាច្រើនមានការលំបាកខ្លាំង និងមានបងប្អូនជនជាតិភាគតិចរស់នៅច្រើនរបស់ឃុំ Khánh Bình នៅតែខិតខំកៀងគរប្រភពកម្លាំងសង្គម ។ ក្នុងឆ្នាំ ២០២៥ មូលនិធិ "តបស្នងសងគុណ" ចលនាបានជាង ១២០ លានដុង សម្រេចបាន ៩១,៨%។ មូលនិធិ "ដើម្បីអ្នកក្រីក្រ" បានជាង ៧៧ លានដុង សម្រេចបាន ៩៦,៩៤% ។ នេះគឺជាប្រភពកម្លាំងដ៏សំខាន់សម្រាប់មូលដ្ឋានបន្តអនុវត្តប្រកបដោយប្រសិទ្ធភាពនូវគោលដៅសុខុមាលភាព និងការអភិវឌ្ឍប្រកបដោយចីរភាព ។

ស្នាមញញឹមប្រកបដោយក្តីសុខ និងភាពកក់ក្តៅក្នុងផ្ទះនីមួយៗរបស់ប្រជាជនបានចាត់ទុកថាជាខ្នាតវាស់ស្ទង់ការបំពេញតួនាទីរបស់កម្មាភិបាលភូមិភាគ ។ ផ្ទះដ៏រឹងមាំដែលបានសាងសង់ឡើង និងការងារធ្វើដែលមានលំនឹង គឺជាគ្រឹះដ៏សំខាន់ជួយឱ្យឃុំ Khánh Bình បន្តបោះជំហានឈានរឹងមាំលើវិថីកសាងភូមិស្រុក ឱ្យកាន់តែសម្បូររុងរឿង៕

Thanh Hải