ជនរួមជាតិ Khmer ឆ្ពោះទៅថ្ងៃបោះឆ្នោត

ប្រសិនបើបានមកសង្កាត់ Vĩnh Trạch នាពេលប៉ុន្មានថ្ងៃនេះ មិនត្រឹមបានឃើញនៅសម្រស់ដ៏ស្រស់ស្អាតនៃតំបន់ជនបទប៉ុណ្ណោះទេ ថែមទាំងមានអារម្មណ៍យ៉ាងច្បាស់អំពីបរិយាកាសដ៏មមាញឹកនៃការរៀបចំសម្រាប់ឱ្យការបោះឆ្នោតជ្រើសរើសតំណាងរដ្ឋសភានីតិកាលទី ១៦ និងតំណាងក្រុមប្រឹក្សាប្រជាជនគ្រប់លំដាប់ថ្នាក់សម្រាប់អាណត្តិឆ្នាំ ២០២៦-២០៣១។

បងប្អូនជនរួមជាតិ Khmer សង្កាត់ Vĩnh Trạch ស្វែងយល់ពីជីវប្រវត្តិសង្ខេបរបស់បក្ខជនអ្នកឈរឆ្នោតដែលបានបិតនៅតាមទីតាំងបោះសន្លឹកឆ្នោត។

ដោយសារលក្ខណៈពិសេសដោយឡែករបស់ខ្លួនជាតំបន់ដែលមានបងប្អូនជនរួមជាតិ Khmer រស់នៅច្រើនកុះករ សង្កាត់ Vĩnh Trạch បានអនុវត្តការងារឃោសនាផ្សព្វផ្សាយយ៉ាងទូលំទូលាយ និងសមស្របក្នុងរយៈពេលថ្មីៗនេះផងដែរ អាស្រ័យហេតុនេះ ក៏បានពង្រីកសាយភាយខាងស្មារតីសម្រាប់ឱ្យថ្ងៃបោះឆ្នោតក្នុងជនរួមជាតិផងដែរ។

លោក Trần Thế Hiển ប្រធានគណៈកម្មាធិការរណសិរ្សមាតុភូមិ Việt Nam សង្កាត់ Vĩnh Trạch បានមានប្រសាសន៍ថា៖ ក្នុងការឃោសនាផ្សព្វផ្សាយ ភូមិភាគបានផ្តោតលើការគោរពវប្បធម៌ និងភាសារបស់ជនជាតិភាគតិចជាមូលដ្ឋានគ្រឹះ ដោយគោលលំនាំ "ស្តាប់អ្វីដែលបងប្អូនជនរួមជាតិមានយោបល់ និយាយជនរួមជាតិស្តាប់ និងធ្វើសកម្មភាពតាមរបៀបដែលទទួលបានការជឿទុកចិត្តពីជនរួមជាតិ"។ ការងារនេះត្រូវបានអនុវត្តដោយផ្ទាល់តាមរយៈកិច្ចប្រជុំ និងសកម្មភាពសហគមន៍។ល។

តាមរយៈនៃការឃោសនាផ្សព្វផ្សាយ និងសន្និបាតជួបជុំអ្នកបោះឆ្នោត ប្រជាជនទទួលបានការយល់ដឹងកាន់តែច្បាស់អំពីអត្ថន័យ និងសារៈសំខាន់នៃការបោះឆ្នោត សិទ្ធិ និងកាតព្វកិច្ចរបស់ប្រជាពលរដ្ឋ។ ជួបជាមួយបេក្ខជនដើម្បីស្តាប់កម្មវិធីសកម្មភាពរបស់ពួកគេ ហើយក្នុងពេលជាមួយគ្នានេះដែរ ក៏បានបង្ហាញពីគោលគំនិត និងការរំពឹងទុករបស់ពួកគេចំពោះអ្នកតំណាងដែលត្រូវបានជ្រើសរើសទៀតផង។

ដែលឆ្នើមក្នុងការផ្សព្វផ្សាយនេះ គឺសមាគមអតីតយុទ្ធជនសង្កាត់តែម្តង។ រយៈពេលកន្លង សមាគមបានផ្លាស់ប្តូរកិច្ចប្រជុំក្លាយទៅជា "វេទិកាអ្នកបោះឆ្នោតខ្នាតតូច"។ លោក Nguyễn Hoàng Vinh ប្រធានសមាគម បានចែករំលែកថា៖ សមាគមលើកទឹកចិត្តដល់រាល់សមាជិកទាំងឡាយ និងសង្គមគ្រួសាររបស់ខ្លួនយ៉ាងសកម្មឱ្យស្វែងយល់យ៉ាងលម្អិតអំពីជីវប្រវត្តិសង្ខេប និងកម្មវិធីសកម្មភាពរបស់បេក្ខជនគ្រប់រូប ផ្តើមពីនោះ ក៏ពិចារណាដោយប្រុងប្រយ័ត្ន និងជ្រើសរើសអ្នកដែលមានគុណធម៌ និងទេពកោសល្យគ្រប់គ្រាន់ដើម្បីតំណាងឱ្យឆន្ទៈ និងសេចក្តីប្រាថ្នារបស់ប្រជាជន។

មិនត្រឹមតែជាសមាជិកអតីតយុទ្ធជនគំរូក្នុងការអនុវត្តសិទ្ធិ និងកាតព្វកិច្ចរបស់ខ្លួនជាប្រជាពលរដ្ឋប៉ុណ្ណោះទេ រាល់សមាជិកអតីតយុទ្ធជនម្នាក់ៗថែមទាំងបានចលនាបងប្អូនប្រជាជនលើភូមិសាស្ត្រដើម្បីរួមគ្នាអនុវត្តផងដែរ។ ក្នុងការសន្ទនាជិតស្និទ្ធនៅតាមគេហដ្ឋានបានជួយមាមីងបងប្អូនយល់ច្បាស់ពីលក្ខណៈសម្បត្តិរបស់អ្នកតំណាងឆ្នោត ដំណើរការបោះឆ្នោត និងកាលវិភាគបោះឆ្នោតផងដែរ។

លោក Trần Thế Hiển ប្រធានគណៈកម្មាធិការរណសិរ្សមាតុភូមិ Việt Nam សង្កាត់ Vĩnh Trạch ឃោសនាផ្សព្វផ្សាយអំពីការបោះឆ្នោតតំណាងរដ្ឋសភានីតិកាលទី ១៦ និងតំណាងក្រុមប្រឹក្សាប្រជាជនគ្រប់លំដាប់ថ្នាក់អាណត្តិ ២០២៦-២០៣១។

ប្រសិទ្ធភាពនៃការឃោសនាផ្សព្វផ្សាយត្រូវបានបង្ហាញយ៉ាងច្បាស់តាមរយៈការយល់ដឹង និងការចូលរួមយ៉ាងសកម្មរបស់ប្រជាជន។ លោក Thạch Cường​ នៅភូមិ ទឹកចែក បានចែករំលែកថា៖ តាមរយៈកិច្ចប្រជុំនៅភូមិភាគ លោកក៏យល់បានច្បាស់អំពីការបោះឆ្នោត។ មិនត្រឹមតែបានអនុវត្តសិទ្ធិ និងកាតព្វកិច្ចជាប្រជាពលរដ្ឋសម្រាប់ក្នុងថ្ងៃទី ១៥ ខែមីនាប៉ុណ្ណោះទេ លោកថែមទាំងបានដាស់តឿនកូនក្មួយក្នុងសង្គមគ្រួសារឱ្យរៀបចំកាលវិភាគរបស់ខ្លួនដើម្បីចូលរួមការបោះឆ្នោតឱ្យបានពេញលេញទៀតផង។

ការរៀបចំយ៉ាងហ្មត់ចត់ និងស្មារតីសាមគ្គីភាពក្នុងជនរួមជាតិ Khmer ទូទាំងសង្កាត់នេះ បានឆ្ពោះទៅទីវាបុណ្យទូទាំងជនរួមជាតិ Khmer សង្កាត់ Vĩnh Trạch ដែលជាសាក្សីដ៏រស់រវើកតំណាងឱ្យកម្លាំងសាមគ្គីទូទាំជនជាតិទៀតផង។ ខណៈពេលដែលឆន្ទៈរបស់បក្សរួមបញ្ចូលជាមួយទឹកចិត្តប្រជាជន ថ្ងៃបោះឆ្នោតភូមិភាគនាពេលខាងមុខនេះ សង្ឃឹមថានឹងទទួលបានជោគជ័យល្អ ដោយបើកជំពូកថ្មីមួយសម្រាប់ការអភិវឌ្ឍសង្កាត់ Vĩnh Trạch និយាយដោយឡែក និងខេត្ត Cà Mau និយាយរួម៕

Ngọc Quyên