សកម្មក្នុងការគិតគូរដល់ជីវភាពរស់នៅរបស់បងប្អូនជនរួមជាតិ Khmer

ការជួយឧបត្ថម្ភបងប្អូនជនរួមជាតិ Khmer នៅលើភូមិសាស្រ្ត ឱ្យកាន់តែមានភាពប្រសើរឡើងជាសន្សឹមៗ ព្រមទាំងលើកកម្ពស់គុណភាពរស់នៅ គឺជាភារកិច្ចមួយក្នុងចំណោមភារកិច្ចដ៏សំខាន់ៗដទៃទៀត ដែលបក្ខភាគ និងរដ្ឋអំណាចភូមិភាគឃុំឡុងដៀន យកចិត្តទុកដាក់អនុវត្ត។ អាស្រ័យហេតុនេះ មានគ្រួសារជាច្រើនដែលពីមុនជួបការលំបាក ឥឡូវមានកន្លែងស្នាក់នៅស្ថិរភាព សេដ្ឋកិច្ចអភិវឌ្ឍ ជីវភាពកាន់តែបានលើកកម្ពស់។

កម្មាភិបាលឃុំ Long Điền អញ្ជើញទៅសួរសុខទុក្ខគ្រួសារអ្នកមីង Sơn Thị Duyên។

ឃុំ Long Điền គឺជាភូមិភាគដែលមានជនរួមជាតិ Khmer រស់នៅច្រើនកុះករ ។ បន្ទាប់ពីការរៀបចំអង្គភាពរដ្ឋបាល បរិមាណការងារក៏កើនឡើង ប៉ុន្តែគោលនយោបាយសម្រាប់ជនរួមជាតិ Khmer លើភូមិសាស្រ្ត នៅតែបានឃុំយកចិត្តទុកដាក់ផ្សព្វផ្សាយយ៉ាងព្រមៗគ្នា និងទាន់ពេលវេលា ព្រមទាំងមានប្រសិទ្ធភាពទៀតផង។

យោងតាមនោះ ឃុំក៏បានប្រមូលផ្តុំអនុវត្តគោលនយោបាយផ្សេងៗរបស់រដ្ឋ ដើម្បីលើកកម្ពស់ជីវភាពជូនបងប្អូនជនរួមជាតិ Khmer  ដូចជា៖ ឧបត្ថម្ភផ្ទះស្នាក់នៅ ដីធារ ដើមទុនផលិតសម្រាប់គ្រួសារក្រ និងប្រកៀកបន្ទាត់ក្រ។ ទន្ទឹមនឹងនោះ ខាងវិស័យហេដ្ឋារចនាសម្ព័ន្ធ លើភូមិសាស្រ្តត្រូវបានវិនិយោគ បង្កើនប្រសិទ្ធភាព ជាពិសេសគឺប្រព័ន្ធគមនាគមន៍ជនបទ ធារាសាស្ត្រ សាលារៀន។ល។ បង្កលក្ខណៈងាយស្រួលសម្រាប់ការអភិវឌ្ឍសេដ្ឋកិច្ច - សង្គម ។ សភាពការណ៍ខាងសន្តិសុខនយោបាយ និងសណ្តាប់ធ្នាប់ សុវត្ថិភាពសង្គមលើភូមិសាស្រ្តឃុំ ក៏តែងត្រូវបានរក្សាខ្ជាប់ខ្ជួនផងដែរ។

តាំងពីឆ្នាំ ២០២១ រហូតមកដល់បច្ចុប្បន្ន ផ្តើមពីប្រភពទុននៃការឧបត្ថម្ភដីធារ ឃុំក៏បានពិនិត្យឱ្យបុលប្រាក់សម្រាប់ ៧ គ្រួសារ ដោយមានថវិកាសរុប ៣២២ លានដុង។ ទន្ទឹមនឹងនោះ ឧបត្ថម្ភផ្ទះនៅសម្រាប់ ៣៨ គ្រួសារ ដោយទឹកប្រាក់ ១,៩ ពាន់លានដុង។ឧបត្ថម្ភប្តូរមុខរបរជូន ១២៩ គ្រួសារ ដោយថវិកាប្រមាណជិត ១,៣ ពាន់លានដុង។ ដោយសារបានអាស្រ័យផលពីបណ្តាគោលនយោបាយរបស់រដ្ឋ រួមជាមួយស្មារតីខិតខំប្រឹងប្រែងឈានឡើង ជីវភាពរបស់គ្រួសារ Khmer ជាច្រើននៅឃុំឡុងដៀន មានការផ្លាស់ប្តូរយ៉ាងច្បាស់សកម្ម។

អ្នកមីង Thạch Thị Phiel នៅភូមិ Thạnh trị ឃុំ Long Điền បានចែករំលែកថា៖ “រដ្ឋអំណាចភូមិភាគមិនត្រឹមគិតគូរដល់គ្រួសារខ្ញុំឱ្យមានផ្ទះស្នាក់នៅនឹងនរប៉ុណ្ណោះទេ ថែមទាំងបានឧបត្ថម្ភដើមទុនដើម្បីចិញ្ចឹមសត្វ និងអភិវឌ្ឍសេដ្ឋកិច្ចទៀតផង។ នេះគឺជាប្រភពកម្លាំង ជួយយើងខ្ញុំកាន់តែខិតខំរកស៊ី ដើម្បីឈានឡើងក្នុងការរស់នៅ”។

ស្រដៀងគ្នានេះដែរ គ្រួសារអ្នកមីង Sơn Thị Duyên ក៏ជាគ្រួសារបានភូមិភាគឧបត្ថម្ភសាងសង់ផ្ទះមហាសាមគ្គីកាលពីឆ្នាំ ២០២៤ ជំនួសឱ្យផ្ទះទ្រុឌទ្រោមពីមុន។ ទន្ទឹមនឹងនោះ ថែមទាំងបង្កលក្ខណៈសម្រាប់អ្នកមីង Duyên បានបុលទុនចំនួន ៤០ លានដុង ដើម្បីធ្វើជាដើមទុនលក់ដូរកំប៊ិចកំប៉ុក។

ក្តីសប្បាយរីករាយចំពោះការឧបត្ថម្ភទាន់ពេលវេលានេះ អ្នកមីង Sơn Thị Duyên បានឱ្យដឹង៖  “ពីមុន ស្ថានភាពគ្រួសារខ្ញុំជួបការលំបាកខ្លាំងណាស់។ ឥឡូវត្រូវទទួលបានការឧបត្ថម្ភផ្ទះសម្រាប់ស្នាក់នៅ និងបុលទុន ផ្តល់ប័ណ្ណធានារ៉ាប់រងខាងសុខាភិបាល។ល។ ជីវភាពក៏បានធូរធារជាងមុនច្រើន ខ្ញុំពិតជាដឹងគុណបក្ស និងរដ្ឋខ្លាំងណាស់” ។

ផ្លូវគមនាគមន៍ជនបទនៅភូមិ Thạnh Trị ឃុំ Long Điền ត្រូវបានចាក់បេតុងសព្វគ្រប់ជួយឱ្យការធ្វើដំណើរទៅមក និងដឹកជញ្ជូនរបស់បងប្អូនប្រជាជនប្រកបដោយភាពងាយស្រួល។

អាចបញ្ជាក់ឃើញថា សកម្មភាពជាក់ស្តែងនៃការគិតគូរដល់ជីវភាពរស់នៅជូនបងប្អូនជនរួមជាតិរបស់គណៈកម្មាធិការបក្ស និងរដ្ឋអំណាចឃុំឡុងដៀន បានរួមចំណែកយ៉ាងសំខាន់ជាមួយគ្រប់បណ្តាគណៈផ្នែកក្នុងការអនុវត្តយ៉ាងមានប្រសិទ្ធភាពនូវគោលនយោបាយសុខមាលភាពសង្គម ជួយគ្រួសារខ្មែរក្រីក្រមានលក្ខណៈឈានឡើងជាសន្សឹមៗ ព្រមទាំងលំនឹងជីវភាពទៀតផង។

លោក Lâm Minh Quang ប្រធានសាខាបក្ស និងជាប្រធានភូមិ Thạnh Trị ឃុំ Long Điền បានឱ្យដឹងថា៖ "អនុវត្តគោលនយោបាយនៃការលុបបំបាត់ផ្ទះបណ្តោះអាសន្ន និងផ្ទះទ្រុឌទ្រោម មកដល់ពេលនេះ ស្ទើរតែគ្រប់គ្រួសារជនរួមជាតិ Khmer ទូទាំងភូមិ មានផ្ទះស្នាក់នៅស្ថិរភាព។ បណ្តាសំណង់សំខាន់ៗជាច្រើនដទៃទៀត ដូចជា៖ សាលារៀន អាគារវប្បធម៌ អគ្គិសនីសម្រាប់បំភ្លឺ ហេដ្ឋារចនាសម្ព័ន្ធធារាសាស្ត្រ។ល។ ក៏ទទួលបានយកចិត្តទុកដាក់វិនិយោគយ៉ាងសព្វគ្រប់ផងដែរ រួមចំណែកលើកកម្ពស់ជីវភាពសម្ភារៈ និងស្មារតីសម្រាប់មាមីងបងប្អូនប្រជាជន"៕

Nguyễn Linh