គិតគូរខាងលំនៅឋានថ្មីជូនជនរួមជាតិ Khmer

ផ្តើមពីការរួមកម្លាំងរបស់សហគមន៍ និងប្រភពធនធានសង្គម រយៈពេលកន្លង គណៈកម្មាធិការរណសិរ្សមាតុភូមិ Việt Nam ឃុំ Long Điền បានឧបត្ថម្ភសាងសង់ថ្មី និងជួសជុលផ្ទះស្នាក់នៅ បានជួយគ្រួសារ Khmer ជាច្រើនមានកន្លែងរស់នៅល្ងត្រឹមត្រូវ ធ្វើឱ្យជីវិតរបស់ពួកគេមានស្ថេរភាព និងទទួលបានការលើកទឹកចិត្តបន្ថែមទៀតដើម្បីកែលម្អជីវភាពគ្រួសារ។

ប្តីប្រពន្ធអ្នកមីង Huỳnh Kim Miên (ទីពីរ និងបីគិតពីឆ្វេង) រីករាយខណៈពេលដែលទទួលបានការឧបត្ថម្ភសង់ផ្ទះថ្មី។

ក្នុងវ័យ ៦៤ ឆ្នាំ អ្នកមីង Huỳnh Kim Miên នៅភូមិ Diêm Điền មានសេចក្តីសោមនស្សរីករាយជាខ្លាំងដែលសង់បានផ្ទាះមួយខ្នងដ៏រឹងមាំនៅពាក់កណ្តាលខែមេសា ឆ្នាំ ២០២៦។ ពីមុន ប្តីប្រពន្ធអ្នកមីងរកប្រាក់ចិញ្ចឹមជីវិតដោយការធ្វើអំបិល ហើយអ្នកមីងថែមទាំងខិតខំរកប្រាក់ចំណូលបន្ថែមដោយទៅបកបង្គាស៊ីឈ្នួល។ ប្រាក់ចំណូលមិនស្ថិតស្ថេរមានន័យថាគ្រួសាររបស់គាត់តែងតែរស់នៅក្នុងការលំបាក។ ផ្ទះចាស់ទ្រុឌទ្រោម ទាំងពីរនាក់ប្តីប្រពន្ធមានវ័យចាស់ ហើយត្រូវចិញ្ចឹមចៅពីរនាក់ទៀតផង គឺមិនអាចមានសមត្ថភាពនឹងកែជួសជុលផ្ទះឱ្យបានល្អត្រឹមត្រូវបាននោះទេ។

ដោយយល់អំពីស្ថានភាពនេះ គណៈកម្មាធិការរណសិរ្សមាតុភូមិ Việt Nam ឃុំ Long Điền បានសហការជាមួយសមាគមសហព័ន្ធនារីឃុំដើម្បីធ្វើការពិនិត្យឡើងវិញ ព្រមទាំងជំនួយឧបត្ថម្ភដល់គ្រួសារអ្នកមីងផងដែរ។ ដោយមានជំនួយពីកូនៗ និងសាច់ញាតិរបស់ខ្លួនផងនោះ ផ្ទះរឹងមាំនេះត្រូវបានសង់សម្រេចជាស្ថាពរ នាំមកនូវសេចក្តីរីករាយដែលមិនអាចវាស់វែងបាន។

«រដ្ឋបានជំនួយទឹកប្រាក់សម្រាប់សង់ផ្ទះ គ្រួសារខ្ញុំបានបំពេញបន្ថែមខ្លះទៀតដើម្បីសង់បានផ្ទះមួយខ្នងដ៏រឹងមាំផងដែរ។ ខ្ញុំពីរនាក់ប្តីប្រពន្ធមានក្តីសប្បាយរីករាយខ្លាំងណាស់ដែលមានកន្លែងរស់នៅល្អនឹងនរបែបនេះ ហើយសន្យាថានឹងខិតខំរកស៊ីដើម្បីឈានឡើង» អ្នកមីង Miên ចែករំលែក។

ជាអ្នករួមក្តីសប្បាយជាមួយផងដែរ គឺប្តីប្រពន្ធបងស្រី Bùi Thị Ý នៅភូមិ Diêm Điền គ្រួសារបងស្រីប្រកបរបររកស៊ីដោយផ្តោតលើការងារលំបាកៗជាច្រើន ប៉ុន្តែប្រាក់ចំណូលក៏មិនសូវនឹងនរនោះដែរ។ ដូច្នេះ ពួកគាត់អាចរស់នៅត្រឹមក្នុងផ្ទះបណ្ដោះអាសន្នប៉ុណ្ណោះ ដោយស្ទើរតែមិនអាចស៊ូទ្រាំឱ្យកន្លងថ្ងៃទៀតផង។

ផ្តើមពីកម្មវិធីឧបត្ថម្ភសាងសង់ផ្ទះមហាសាមគ្គីចំនួន ១.០៦៩ ខ្នងដោយគណៈកម្មាធិការរណសិរ្សមាតុភូមិ Việt Nam ខេត្ត គ្រួសារអ្នកមីង Ý ទទួលបានការឧបត្ថម្ភទឹកប្រាក់ចំនួន ៨០ លានដុងដើម្បីសាងសង់ផ្ទះថ្មី។ រួមជាមួយប្រាក់ដែលគ្រួសារសន្សំបានខ្លះ និងជំនួយពីសាច់ញាតិ ផ្ទះរបស់គ្រួសារបងកំពុងជិតបានសម្រេចផងដែរ។ «ប្រសិនបើគ្មានការឧបត្ថម្ភរបស់រដ្ឋ និងសប្បុរសជននោះទេ គ្រួសារខ្ញុំមិនអាចសង់បានផ្ទះថ្មីបែបនេះនោះទេ។ ឥឡូវ គ្រួសារខ្ញុំមានផ្ទះធំទូលាយសមរម្យ គ្រួសារខ្ញុំពិតជាមានសេចក្តីសោមនស្សរីករាយឃាខ្លាំង និងសូមអរគុណយ៉ាងខ្លាំងចំពោះជំនួយនេះ។ គ្រួសារខ្ញុំសន្យាថានឹងខិតខំធ្វើការបន្ថែមទៀតដើម្បីឈានឡើងក្នុងការរស់នៅ» បងស្រី Ý បានមានប្រសាសន៍បែបនេះ។

ចាប់តាំងពីដើមឆ្នាំរហូតមកទល់ពេលនេះ គណៈកម្មាធិការរណសិរ្សមាតុភូមិ Việt Nam ឃុំ Long Điền បានកៀរគរការឧបត្ថម្ភសម្រាប់សាងសង់ផ្ទះសាមគ្គីចំនួន ១៥ ខ្នង ក្នុងនោះមាន ១០ ខ្នងសម្រាប់គ្រួសារជនរួមជាតិ Khmer ក្រីក្រ ដែលប្រឈមនឹងការលំបាកខាងលំនៅដ្ឋាន។

អ្នកមីង Kiều Thị Ni ប្រធានគណៈកម្មាធិការរណសិរ្សមាតុភូមិ Việt Nam ឃុំ Long Điền (ទីពីរគិតពីស្តាំ) អញ្ជើញមកសួរសុខទុក្ខប្តីប្រពន្ធបងស្រី Bùi Thị Ý ក្នុងផ្ទះថ្មីដែលកំពុងសង់ជិតបានសម្រេច។

អ្នកស្រី Kiều Thị Ni ប្រធានគណៈកម្មាធិការរណសិរ្សមាតុភូមិ Việt Nam ឃុំ Long Điền  បានមានប្រសាសន៍ថា៖ នាពេលខាងមុខ ភូមិភាគនឹងបន្តអនុវត្តគោលនយោបាយសុខុមាលភាពសង្គម ដែលទាក់ទងនឹងការឧបត្ថម្ភដល់ជីវភាពរស់នៅ បង្កើតការងារធ្វើ និងប្រាក់ចំណូលសម្រាប់ប្រជាជន។ ក្នុងពេលជាមួយគ្នានេះ ឃុំនឹងបន្តកៀរគរប្រភពធនធានសង្គម ដើម្បីថែទាំ និងគាំទ្រដល់មុខទំនិញចាំបាច់សម្រាប់គ្រួសារដែលមានការលំបាកក្នុងអំឡុងពេលថ្ងៃឈប់សម្រាក បុណ្យទានប្រពៃណី ឬនៅពេលប្រឈមមុខនឹងគ្រោះមហន្តរាយធម្មជាតិ ហានិភ័យ ឬគ្រោះមហន្តរាយផ្សេងៗដទៃទៀតផងដែរ។

រាល់ផ្ទះមហាសាមគ្គីមួយខ្នងៗដែលត្រូវបានសង់ឡើង មិនត្រឹមតែមានតម្លៃខាងសម្ភារៈប៉ុណ្ណោះទេ ថែមទាំងតំណាងឱ្យស្មារតីសាមគ្គីភាព និងការចែករំលែកក្នុងសហគមន៍ផងដែរ។ បណញតាផ្ទះថ្មីទាំងឡាយនៅឃុំឡុងដៀន កំពុងបង្កើតទំនុកចិត្ត និងការលើកទឹកចិត្តដល់ប្រជាជន ជួយពួកគេឱ្យកែលម្អជីវិត និងរួមចំណែកដល់ការអភិវឌ្ឍមាតុភូមិមួយថ្ងៃកាន់តែសម្បូររុងរឿង៕

Tú Quyên - Trường Giang