Truyền hình
លោក Huỳnh Công Thiệu ប្រធានការិយាល័យជនជាតិនៃមន្ទីរជនជាតិ និងសាសនាបានឱ្យថា ឱកាសវិស្សមកាលឆ្នាំនេះ បណ្ដាថ្នាក់បង្រៀននិងរៀនអក្សរ Khmer ត្រូវបានបណ្តាភូមិភាគរៀបចំបើកបង្រៀនកាលពីថ្ងៃទី៥ ខែមិថុនា ដោយរយៈពេល ២ខែ ក្នុងរដូវវិស្សមកាល។
អ្នកស្រី Quách Kiều Mai នាយករងនៃមន្ទីរជនជាតិ និងសាសនាវាយតម្លៃតាមរយៈ ២ខែចាត់តាំងបង្រៀន និងរៀនអក្សរ Khmer និងអក្សរ Hoa ឱកាសវិស្សមកាលដែលសម្រេចជាមូលដ្ឋានតាមគម្រោងការដាក់ចេញ។
មានសាលាបង្រៀនសរុបចំនួន ២៣ កន្លែង ដោយមានលោកគ្រូចំនួន ២៧ អង្គ និងរូបចូលរួមបង្រៀនចំនួន ៣០ ថ្នាក់ (ថ្នាក់ទី១មាន ២១ ថ្នាក់ និងថ្នាក់ទី ២មាន៩ថ្នាក់) ដោយមានសិស្សរៀនចំនួន ៦៤០ នាក់។
ព្រះឧបជ្ឈាយ៍ Tăng Sa Vong អនុប្រធានសមាគមសាមគ្គីព្រះសង្ឃស្នេហាជាតិខេត្ត និមន្តចូលរួមផ្តល់យោបល់ក្នុងការបង្រៀនអក្សរ Khmer ដែលម្រេចលទ្ធផលខ្ពស់នារយៈពេលកន្លង។
សរុបថវិកាដែលបានអនុវត្តជំនួយឧបត្ថម្ភដល់គ្រូបង្រៀននិងទីកន្លែងបង្រៀនជំនួយឧបត្ថម្ភសៀវភៅសិក្សា សៀវភៅសរសេរ និងប៊ិចដល់ប្អូនដោយទឹកប្រាក់ប្រមាណជិត ៥០០ លានដុង។ កន្លែងចាត់តាំងបណ្ដាថ្នាក់រៀនត្រូវបានភូមិភាគរៀបចំរៀននៅតាមវត្ត និងសាលាទាន សាលាបឋមសិក្សា អាគារវប្បធម៌ភូមិ អនុសង្កាត់ និងនៅតាមគ្រួសារក្នុងតំបន់បងប្អូនជនជាតិភាគតិចផងដែរ។ ដើម្បីបង្កលក្ខណៈងាយស្រួលបំផុតដល់ប្អូនសិស្សានុសិស្សចូលរួម។
ដោយឡែកចំពោះការបង្រៀននិងរៀនអក្សរ Hoa នៅមជ្ឈមណ្ឌលភាសា Hoa Dục Tài (វត្ត Bà Thiên Hậu សង្កាត់ An Xuyên ត្រូវបានរក្សាជាប់រហូតដល់ ៩ ខែក្នុងមួយឆ្នាំ។ រួមមាន ៥ថ្នាក់ និងគ្រូបង្រៀន ៥ រូបបានចូលរួមបង្ហាត់បង្រៀន ដោយមានសិស្សចំនួន ៦៤ នាក់។
តាមអ្នកស្រី Quách Kiều Mai នាយករងនៃមន្ទីរជនជាតិ និងសាសនាវាយតម្លៃអំពីការបង្រៀនរយៈពេល ២ខែ ជាមូលដ្ឋានបានសម្រេចនូវខ្លឹមសារកម្មវិធីទាំងអស់តាមផែនការដាក់ចេញ ផ្តល់មកនូវលទ្ធផលយ៉ាងសំខាន់ៗជាច្រើន។ ក្រៅពីការបង្រៀនភាសា និងអក្សរសាស្ត្រ គ្រូបង្រៀនទាំងឡាយតែងផ្តោតលើការអប់រំខាងសីលធម៌ បំណិន ពិធីប្រាស្រ័យទាក់ទងក៏ដូចជាការពន្យល់ឱ្យប្អូនៗដឹងបន្ថែមពីលក្ខណៈវប្បធម៌ប្រពៃណីដ៏ពិសេសៗរបស់ជនជាតិ។
អ្នកស្រី Quách Kiều Mai ជូនលិខិតសរសើររបស់នាយកមន្ទីរដល់ ២០ បុគ្គលដែលមានស្នាដៃឆ្នើមក្នុងបង្រៀនអក្សរ Khmer និងអក្សរ Hoa ឱកាសវិស្សមកាល ឆ្នាំ២០២៥។
“តាមរយៈការចាត់តាំងបង្រៀន និងរៀនអក្សរ Khmer និងអក្សរ Hoa នាឱកាសវិស្សមកាលបានជួយឱ្យប្អូនៗសិស្សានុសិស្សអាចអានបាន និងសរសេរបានយ៉ាងស្ទាត់ជំនាញនូវឃ្លា និងប្រយោគស័ព្ទដែលនិយមប្រើ អាចទំនាក់ទំនងជាមួយគ្នាដោយភាសា និងអក្សរសាស្ត្រ របស់ជនជាតិខ្លួន។ ទន្ទឹមនិងនោះ ជួយប្អូនៗលើកកម្ពស់ចំណេះដឹង និងការយល់ដឹងពីទំនៀមទម្លាប់ក្នុងការអភិរក្ស និងថែរក្សាភាសា អក្សរសាស្រ្តប្រពៃណីរបស់ជនជាតិខ្លួន”អ្នកស្រី Quách Kiều Mai បានឱ្យដឹងដូច្នេះ។
ក្នុងពិធីបិទវគ្គថ្នាក់បង្រៀនអក្សរ Khmer ឱកាសវិស្សមកាល អ្នកស្រី Quách Kiều Mai នាយករងនៃមន្ទីរជនជាតិ និងសាសនាក៏បានជូនអំណោយដល់ប្ងូនៗដែលរៀនបានពូកែទៀតផង។
ក្នុងសន្និបាតបូកសរុបដែលមន្ទីរជនជាតិ និងសាសនាបានរៀបចំឡើងកន្លងហើយ នាយកមន្ទីរក៏បានជូនលិខិតសរសើរដល់ ៦ សមូហភាព និង ២០ បុគ្គលដែលមានស្នាដៃឆ្នើមក្នុងការងារចលនានិងបង្រៀនអក្សរ Khmer និងអក្សរ Hoa ឱកាសវិស្សមកាល ឆ្នាំ២០២៥៕
Quỳnh Anh - Quốc Hùng
Xem thêm bình luận