Truyền hình
បញ្ជាក់ការកាត់បន្ថយក្រចីរភាពជាភារកិច្ចស្នូល សំដៅលើកកម្ពស់ជីវភាពប្រជាជន និងជំរុញការអភិវឌ្ឍសេដ្ឋកិច្ច - សង្គមនោភូមិភាគ រយៈពេលកន្លង ឃុំ Vĩnh Hậu បានផ្សព្វផ្សាយអនុវត្តព្រមៗគ្នានូវដំណោះស្រាយជាច្រើនដើម្បីជួយជាកម្លាំងដល់គ្រួសារក្រីក្រ គ្រួសារប្រកៀកបន្ទាត់ក្រ និងទើបបានរួចផុតពីភាពក្រីក្រ។ តាមនោះ បង្កលក្ខណៈឱ្យបងប្អូនប្រជាជនពង្រីកកម្លាំងផ្ទៃក្នុង ម្ចាស់ការអភិវឌ្ឍសេដ្ឋកិច្ច ស្ថិរភាពជីវភាព។
ផ្តើពីសត្វពពែចំនួន ៤ ក្បាលដែលទទួលបានពីការឧបត្ថម្ភ គ្រួសារបងស្រី Phạm Thị Nga ក៏បានចិញ្ចឹមថែទាំ និងបង្កើនហ្វូងឡើងដល់ចំនួន ១០ ក្បាលផងដែរ។
គ្រួសារបងស្រី Phạm Thị Nga នៅភូមិលេខ ១២ ធ្លាប់ប្រឈមមុខនឹងការលំបាកជាច្រើន ដោយសារខ្វះដើមទុន និងវិធីសាស្ត្រផលិត បណ្តោយឱ្យចំណូលមិនមិនលំនឹង។ ប៉ុន្តែ តាំងពីបានរដ្ឋអំណាចភូមិភាគជំនួយឧបត្ថម្ភសត្វពពែ ៤ ក្បាល ព្រមទាំងបានបុលទុនដោយទឹកប្រាក់ជាង ៨០ លានដុងពីធនាគារគោលនយោបាយសង្គមដើម្បីវិនិយោគចិញ្ចឹមសត្វ ជីវភាពគ្រួសារបងស្រីក៏បានកែលម្អជាបណ្តើរៗ និងរួចផុតពីភាពក្រីក្រផងដែរ។
ស្រដៀងគ្នានេះដែរ គ្រួសារអ្នកមីង Vũ Thị Nội នៅភូមិជាមួយគ្នា ក៏មានលក្ខណៈឈានឡើងជាសន្សឹមៗឆ្លងកាត់ការលំបាក អាស្រ័យដោយការយកចិត្តទុកដាក់ ថែទាំពីរដ្ឋអំណាចភូមិភាគ។ មិនត្រឹមតែទទួលបានការឧបត្ថម្ភទឹកប្រាក់ ៤០ លានដុងដើម្បីសាងសង់ផ្ទះសម្បែងប៉ុណ្ណោះទេ ក្រោយពេលរួចចាកផុតពីភាពក្រីក្រ គ្រួសារអ្នកមីងនៅទាំងបានបង្កលក្ខណៈអភិវឌ្ឍផលិតកម្ម សំដៅពង្រឹងមុខរបរចិញ្ចឹមជីវិត កាត់បន្ថយការប្រឈមមុខនឹងការធ្លាក់ខ្លួនក្រីក្រឡើងវិញទៀតផង។
អ្នកមីង Vũ Thị Nội រីករាយឱ្យដឹងថា៖ «ដោយទទួលបានការឧបត្ថម្ភបង្គាពូជ ៣០ ពាន់ក្បាល និងក្តាមពូជ ៨ ពាន់ក្បាល ក្រោយពីចិញ្ចឹមជិត ៣ ខែ បង្គាក៏លូតលាស់ល្អ បើកចេញក្តីសង្ឃឹមអំពីរដូវចិញ្ចឹមសម្រេចបានប្រសិទ្ធភាព។ ក្រៅពីនោះ ខ្ញុំថែមទាំងបានឆ្លៀតយកផ្ទៃដីទំនេរជុំវិញផ្ទះដើម្បីដាំពោតធ្វើជាចំណីបម្រើឱ្យការចិញ្ចឹមមាន់ សំដៅបង្កើនចំណូល រួចផុតពីភាពក្រីក្រចីរភាព មិនធ្វើឱ្យខកបំណងសម្រាប់ការយកចិត្តទុកដាក់ ថែទាំរបស់រដ្ឋអំណាចភូមិភាគឡើយ»។
បច្ចុប្បន្ន ឃុំ Vĩnh Hậu មាន ១០៩ គ្រួសារក្រីក្រ និងគ្រួសារប្រកផកបន្ទាត់ក្រ។ ដើម្បីអនុវត្តប្រកបដោយប្រសិទ្ធភាពនូវគោលដៅកាត់បន្ថយភាពក្រីក្រចីរភាព រដ្ឋអំណាចភូមិភាគក៏បានដំណើរការត្រួតពិនិត្យ វាយតម្លៃជាក់ស្តែងអំពីស្ថានភាពជីវភាព ចំណូល និងកម្រិតកង្វះខាតបណ្តាសេវាកម្មសង្គមមូលដ្ឋានរបស់គ្រួសារនីមួយៗ ផ្តើមពីនោះក៏កសាងវិធីសាស្ត្រឧបត្ថម្ភយ៉ាងសមស្របផងដែរ។
អ្នកមីង Vũ Thị Nội ឆ្លៀតយកផ្ទៃដីទំនេរជុំវិញផ្ទះដើម្បីដាំពោតធ្វើជាចំណីបម្រើឱ្យការចិញ្ចឹមមាន់ សំដៅបង្កើនចំណូល និងរួចផុតពីភាពក្រីក្រចីរភាព។
ទន្ទឹមនឹងនោះ បណ្តាគោលនយោបាយនៃការកាត់បន្ថយភាពក្រីក្រជាប្រចាំ និងឥណទានគោលនយោបាយ ត្រូវបានផ្សព្វផ្សាយអនុវត្តយ៉ាងពេញលេញ ទាន់ពេល ជួយប្រជាជនមានប្រភពធនធានវិនិយោគផលិតកម្ម។ ពិសេស ឃុំក៏បានយកចិត្តទុកដាក់ផ្សារភ្ជាប់ការឧបត្ថម្ភរបរចិញ្ចឹមជីវិត ជាមួយនឹងការលើកកម្ពស់ស្មារតីម្ចាស់ការ ខ្លួនទីពឹងខ្លួនរបស់ប្រជាជន លើកទឹកចិត្តបណ្តាគ្រួសារម្ចាស់ការជ្រើសរើសទម្រង់ផលិតសមស្របនឹងលក្ខណៈគ្រួសារ ប្រើប្រាស់ប្រកបដោយប្រសិទ្ធភាពនូវប្រភពទុន ក៏ដូចជាបណ្តាប្រភពកម្លាំងឧបត្ថម្ភជាដើម។
សមមិត្ត Trương Thanh Nhã លេខាគណៈកម្មាធិការបក្សឃុំ Vĩnh Hậu បានឱ្យដឹង៖ «ដោយស្មារតី “មិនទុកឱ្យនរណាម្នាក់ត្រូវនៅពីក្រោយឡើយ” ឃុំបានចង្អុលការ និងចាត់តាំងអនុវត្តយ៉ាងប្តូរផ្តាច់នូវការងារកាត់បន្ថយភាពក្រីក្រ។ ក្រៅពីប្រភពទុននៃកម្មវិធីគោលដៅជាតិសម្រាប់ការកាត់បន្ថយភាពក្រីក្រចីរភាព យើងខ្ញុំថែមបានទាំងចលនាសង្គម ប្រភពទុនពីមន្ទីរជនជាតិ និងសាសនា ដើម្បីជួយគ្រួសារក្រីក្រអភិវឌ្ឍសេដ្ឋកិច្ច ឈានឡើងក្នុងជីវភាពរស់នៅ»។
ដោយមានការចូលរួមពីប្រព័ន្ធនយោបាយទាំងមូល រួមជាមួយការខិតខំឈានឡើងរបស់គ្រួសារនីមួយៗ ការងារកាត់បន្ថយភាពក្រីក្ររបស់ឃុំ Vĩnh Hậu កាន់តែមានការផ្លាស់ប្តូរវិជ្ជមាន សំដៅដល់គោលដៅសម្រេចបានប្រសិទ្ធភាពជាក់ស្តែង និងចីរភាព។
Trung Kiên
Xem thêm bình luận