កក់ក្តៅនៃចំណងមិត្តភាពរវាងកងទ័ពនឹងប្រជាជនតំបន់ព្រំដែន

ផ្តើមពីកម្មវិធីលុបបំបាត់ផ្ទះបណ្ដោះអាសន្ន និងផ្ទះទ្រុឌទ្រោម រហូតដល់ការឧបត្ថម្ភលំនៅដ្ឋានសម្រាប់គ្រួសារអ្នកទទួលផលគោលនយោបាយ គ្រួសារក្រីក្រ និងគ្រួសារប្រកៀកបន្ទាត់ក្រ។ល។ រយៈពេលកន្លង កម្មាភិបាល យុទ្ធជនកងកម្លាំងការពារព្រំដែនសមុទ្រ Cà Mau តែងសកម្មចលនាបណ្តាប្រភពធនធានដើម្បីសាងសង់ផ្ទះមេត្តាធម៌ជូនមាមីងបងប្អូនក្រីក្រនៅតាមតំបន់ព្រំដែនសមុទ្រ។ បណ្តា "លំនៅឋានដ៏កក់ក្តៅនៃតំបន់ព្រំដែន" ទាំងនេះមិនត្រឹមតែជួយប្រជាជនឱ្យមានលក្ខណៈតាំងទីលំនៅប៉ុណ្ណោះទេ ថែមទាំងបង្កើនចំណងមិត្តភាពរវាងកងទ័ព និងប្រជាជននៅតំបន់ជួរមុខនៃមាតុភូមិកាន់តែកក់ក្តៅផងដែរ។

ប៉ុស្តិ៍ការពារព្រំដែនខាញ់ហូយសហការជាមួយគណៈកម្មាធិការប្រជាជនឃុំខាញ់ឡឹម ផ្តើមពិធីបើកការដ្ឋានសាងសង់ផ្ទះមហាសាមគ្គីជូនគ្រួសារលោក ផានវុំាងគីម នៅភូមិលេខ ២៥ ឃុំខាញ់ឡឹម។

ជារៀងរាល់ឆ្នាំ កងកម្លាំងការពារព្រំដែនបានចលនាវ្រភពធនធានដើម្បីសង់ផ្ទះមេត្តាធម៌ជាច្រើនខ្នងសម្រាប់មាមីងបងប្អូនតំបន់ព្រំដែនសមុទ្រ។ ថ្មីៗនេះដែរ ប៉ុស្តិ៍ការពារព្រំដែន Nhà Mát បានផ្តើមសាងសង់ផ្ទះពីរខ្នងជូនគ្រួសារអ្នកមីង Lý Thị Út អនុសង្កាត់ Nhà Mát និងគ្រួសារលោក Phan Ngọc Khôn ភូមិ Giồng Giữa សង្កាត់ Hiệp Thành ដោយសរុបថវិកា ៦០ លានដុងសម្រាប់ផ្ទះមួយខ្នង។ ក្នុងពេលជាមួយគ្នានេះដែរ ប៉ុស្តិ៍ការពារព្រំដែន Khánh Hội ក៏បានសហការផ្តើមសាងសង់ផ្ទះថ្មីមួយខ្នងជូនគ្រួសារលោក Phan Văn Kiếm ឃុំ Khánh Lâm ផងដែរ។ «លំនៅឋានដ៏កក់ក្តៅនៃតំបន់​ព្រំដែន» គឺជាទីបង្អែកសម្រាប់បងប្អូនប្រជាជនតាំងទីលំនៅឋាន និងអភិវឌ្ឍសេដ្ឋកិច្ច។

លោក Phan Văn Kiếm បានចែករំលែកដោយក្តីរីករាយថា៖ «ពីមុន ផ្ទះរបស់ខ្ញុំសង់ជាបណ្ដោះអាសន្នប៉ុណ្ណោះ ដោយដំបូលប្រក់ស្លឹក និងសរសឈើធម្មតាមានស្រាប់ក្នុងស្រុក ហើយរយៈពេលយូរៗទៅវាកាន់តែទ្រុឌទ្រោម ខ្ញុំក៏គ្មានប្រាក់ដើម្បីកែជួសជុលនោះដែរ។ ឥឡូវនេះ បានកងកម្លាំងការពារព្រំដែនសមុទ្រជំនួយឧបត្ថម្ភទឹកប្រាក់ ៦០ លានដុង សម្រាប់សង់ផ្ទះថ្មី គ្រួសារខ្ញុំពិតជាសប្បាយរីករាយខ្លាំងណាស់ ព្រមទាំងសូមអរគុណចំពោះការយកចិត្តទុកដាក់របស់កងទ័បការពារព្រំដែន»។

មិនត្រឹមដោយឡែកចំពោះគ្រួសារលោក Kiếm នោះងទេ។ គ្រួសារជាច្រើនដទៃទៀតដែលជួបការលំបាកលើភូមិសាស្ត្រឃុំ Khánh Lâm ក៏ត្រូវបានកម្មាភិបាល យុទ្ធជនបុ៉ស្តិ៍ការពារព្រំ Khánh Hội ផ្តើមចលនាដើម្បីសាងសង់ផ្ទះថ្មី និងកែជួសជុលផ្ទះទ្រុឌទ្រោមផងដែរ។ ផ្តើមពីនោះ រួមជាមួយរដ្ឋអំណាចភូមិភាគគិតគូរយ៉ាងល្អជូនមាមីងបងប្អូនប្រជាជនដែលរស់នៅតាមតំបន់ឆ្នេរព្រំដែនសមុទ្រ។

លោក Trần Công Mười អនុប្រធានគណៈកម្មាធិការប្រជាជនឃុំ Khánh Lâm បានចែករំលែកថា៖ «ដើម្បីគិតគូរជូនគ្រួសារក្រីក្រ និងគ្រួសារគោលនយោបាយ ចាប់តាំងពីដើមឆ្នាំរហូតមក ឃុំបានគៀរគរសប្បុរសជន និងអ្នកឧបត្ថម្ភទាំងក្នុង និងក្រៅខេត្ត ដើម្បីជំនួយឧបត្ថម្ភខាងលំនៅដ្ឋាន។ រហូតមកដល់បច្ចុប្បន្ន ឃុំបានសាងសង់ផ្ទះថ្មីចំនួន ១៥ ខ្នង ដែលក្នុងនោះគណៈកម្មាធិការប្រជាជនឃុំបានសហការជាមួយប៉ុស្តិ៍ការពារព្រំដែនខា Khánh Hội ធ្វើការពិនិត្យជាក់ស្តែង និងសង់ផ្ទះមួយខ្នងសម្រាប់គ្រួសារក្រមានទីលំនៅនឹងនរ និងមានលក្ខណៈឈានឡើងក្នុងការរស់នៅផងដែរ”។

ដើម្បីធានាគោលនយោបាយឧបត្ថម្ភមានប្រសិទ្ធភាព ស៊ីជម្រៅ និងត្រឹមត្រូវចំពោះមុខសញ្ញានីមួយៗ ប៉ុស្តិ៍ការពារព្រំដែន Khánh Hội បានម្ចាស់ការសម្របសម្រួលយ៉ាងសកម្មជាមួយគណៈកម្មាធិការបក្ស និងរដ្ឋអំណាចភូមិភាគ ដើម្បីពិនិត្យឡើងវិញយ៉ាងហ្មត់ចត់នូវគ្រួសារដែលជួបការលំបាក ដោយធានាថាផ្ទះនីមួយៗត្រូវបានផ្តល់ជូនយ៉ាងទាន់ពេលវេលា។

ប៉ុស្តិ៍ការពារព្រំដែន Nhà Mát សហការជាមួយសម្ព័ន្ធយុវជនសង្កាត់ Hiệp Thành លើកធារផ្ទះជូនគ្រួសារលោក Phan Ngọc Khôn នៅអនុសង្កាត់ Giồng Giữa សង្កាត់ Hiệp Thành ។

វរសេនីយ៍ទោ Đinh Thanh Hải ប្រធានមេបញ្ជាការប៉ុស្តិ៍ការពារព្រំដែន Khánh Hội នៃឃុំ Khánh Lâm បានឱ្យដឹង៖ “ថ្មីៗនេះ ប៉ុស្តិ៍ការពារព្រំដែនខាញ់ហូយ បានសហការជាមួយគណៈកម្មាធិការបក្ស និងរដ្ឋអំណាចភូមិភាគ ស្ទង់មើលករណីលំបាកមួយចំនួនលើភូមិសាស្ត្រ ដើម្បីផ្តល់ការឧបត្ថម្ភ។ ក្នុងនោះមានការឧត្ថម្ភសាងសង់ផ្ទះ ផ្តល់អំណោយសម្ភារៈផ្សេងៗក្នុងឱកាសបុណ្យទានធំៗប្រចាំឆ្នាំ។ល។ ជួយគ្រួសារជាច្រើនដែលជួបលំបាកលំនឹងជីវផាពរស់នៅ និងកាន់តែរឹតបន្តឹងចំណងសាមគ្គីមិត្តភាពរវាងកងទ័ព និងប្រជាជននៅតំបន់ជួរមុខនៃមាតុភូមិ”។

បណ្តា “លំនៅឋានដ៏កក់ក្តៅនៃតំបន់ព្រំដែន” នៅតាមបណ្តោយព្រំដែនឆ្នេរសមុទ្រ Cà Mau មិនត្រឹមតែជាការឧបត្ថម្ភផ្នែកសម្ភារៈប៉ុណ្ណោះទេ ប៉ុន្តែក៏ជាភក្តីភាព មនោសញ្ចេតនា និងការទទួលខុសត្រូវរបស់ទាហានស្លៀកពាក់ឯកសណ្ឋានពណ៌បៃតងចំពោះបងប្អូនប្រជាជនផងដែរ។ បណ្តាផ្ទះនីមួយៗដែលបានសាងសង់ ក៏បានអុជបំភ្លឺនូវពន្លឺពោរពេញដោយភាពកក់ក្តៅសម្រាប់កងទ័ព និងប្រជាចនតំបន់ព្រំដែនផងដែរ។ មនោសញ្ចេតនានេះ គឺជាមូលដ្ឋានគ្រឹះដ៏រឹងមាំសម្រាប់ប្រជាជនលំនឹងស្មារតីច្បាមសមុទ្រ និងរួមដំណើរការជាមួយកងកម្លាំងការពារព្រំដែនពង្រឹងសន្តិសុខការពារជាតិយ៉ាងរឹងមាំ៕

Thuỳ Liên