ប្រសិទ្ធភាពនៃការងារជនជាតិបន្ទាប់ពីការរួមបញ្ចូលគ្នា

បន្ទាប់រយៈពេល ១ ឆ្នាំនៃការរួមបញ្ចូលខេត្ត និងដំណើរការប្រព័ន្ធរដ្ឋាភិបាលមូលដ្ឋាន ២ ថ្នាក់ ការផ្លាស់ប្តូរវិជ្ជមានសម្រាប់កិច្ចការងារជនជាតិនៅ Cà Mau មួយថ្ងៃកាន់តែច្បាស់ឡើង។ បណ្តាគោលការណ៍ណែនាំ និងគោលនយោបាយរបស់បក្ស គ្រឹត្យច្បាប់របស់រដ្ឋចំពោះបងប្អូនជនរួមជាតិភាគតិចកំពុងត្រូវបានអនុវត្តតាមរយៈគម្រោងជាក់ស្តែង និងទម្រង់ប្រកបដោយប្រសិទ្ធភាព និងច្នៃប្រតិដ្ឋថ្មីក្នុងការបម្រើប្រជាជន។

បន្ទាប់រយៈពេល ១ ឆ្នាំនៃការរួមបញ្ចូលខេត្ត បណ្តាការផ្លាស់ប្តូរដ៏សកម្មក្នុងជីវភាពរស់នៅដែលនាំមកនូវទំនុកចិត្តសម្រាប់បងប្អូនជនរួមជាតិភាគតិចចំពោះរដ្ឋអំណាចភូមិភាគ។

នៅឃុំ Hưng Hội ជាភូមិភាគដែលមានប្រជាជន Khmer រស់នៅច្រើន ការដាក់ពង្រាយកម្មាភិបាលជាជនជាតិភាគតិចដើម្បីទទួល ណែនាំ និងដំណើរការនីតិវិធីរដ្ឋបាលបានលុបបំបាត់ឧបសគ្គខាងភាសា ទំនៀមទម្លាប់ប្រពៃណី ជួយបងប្អូនប្រជាជនកាន់តែងាយស្រួលក្នុងការទទួលបានសេវាសាធារណៈ។

យោងតាមលោកស្រី Nguyễn Thị Thanh Thuỷ នាយិកាមជ្ឈមណ្ឌលសេវារដ្ឋបាលសាធារណៈឃុំ Hưng Hội កម្មាភិបាលជាជាតិភាគតិចមិនត្រឹមតែដោះស្រាយជំនាញប៉ុណ្ណោះទេ ថែមទាំងផ្តល់ការឧបត្ថម្ភខាងបកប្រែនៅពេលចាំបាច់ផងដែរ។ ដូច្នេះហើយ បងប្អូនជនរួមជាតិភាគតិច ជាពិសេសមនុស្សចាស់ អាចបំពេញនីតិវិធីរដ្ឋបាលបានយ៉ាងងាយស្រួល។ អត្រានៃការដាក់ពាក្យតាមអ៊ីនធឺណិតនៅថ្នាក់មូលដ្ឋានបានកើនឡើងពី ៨៨,៤៨% នៅចុងឆ្នាំ ២០២៥ ដល់ ៩៩.៩៥% ក្នុងខែមិថុនា ឆ្នាំ២០២៦។ លទ្ធផលនេះបង្ហាញថា កំណែទម្រង់រដ្ឋបាលមិនត្រឹមតែអំពីការច្នៃប្រតិដ្ឋនៃដំណើរការប៉ុណ្ណោះទេ ថែមទាំងស្តីពីការច្នៃប្រតិដ្ឋវិធីដែលសេវាកម្មត្រូវបានផ្តល់ជូន ដោយនាំរដ្ឋាភិបាលឱ្យកាន់តែខិតជិតប្រជាជន ដើម្បីឱ្យគោលនយោបាយទៅដល់សហគមន៍ជនជាតិភាគតិចយ៉ាងពិតប្រាកដ។

បង Sơn Quang Bình នៅភូមិ Năm Căn បានឱ្យដឹង៖ បន្ទាប់ពីការរួមបញ្ចូលគ្នា គ្រួសារបងទទួលបានការឧបត្ថម្ភផ្នែកលំនៅដ្ឋាន បង្កលក្ខណៈសម្រាប់ការផ្លាស់ប្តូរជីវភាពរស់នៅ ឈានឡើងលំនឹងជីវភាពជាសន្សឹមៗ និងរួចចាកពីភាពក្រីក្រទៀតផង។ ទន្ទឹមនិងនោះ ការដោះស្រាយនីតិវិធីរដ្ឋបាលកាន់តែមានភាពងាយស្រួល ដោយសារប្រជាជនតែងតែទទួលបានការណែនាំដ៏យកចិត្តទុកដាក់ពីកម្មាភិបាលមូលភូមិភាគ។

ដើម្បីប្រមូលផ្តុំប្រភពធនធានវិនិយោគប្រកបដោយប្រសិទ្ធភាព ខេត្ត Cà Mau បានអនុម័តបញ្ជីឃុំចំនួន ១២ ឃុំនៃតំបន់ជនជាតិភាគតិចសម្រាប់រយៈពេល ២០២៦-២០៣០ រួមទាំងឃុំចំនួន ៧ ដែលស្ថិតក្នុងតំបន់ III ឃុំចំនួន ៣ ស្ថិតក្នុងតំបន់ II និងឃុំចំនួន ២ ដែលស្ថិតក្នុងតំបន់ I ។ នេះគឺជាមូលដ្ឋានដ៏សំខាន់សម្រាប់ការអនុវត្តគោលនយោបាយជនជាតិភាគតិច  និងការកាត់បន្ថយភាពក្រីក្រ សន្តិសុខសង្គម និងការអភិវឌ្ឍសេដ្ឋកិច្ច-សង្គមដែលសមស្របទៅនឹងតំបន់នីមួយៗ។

បច្ចុប្បន្ននេះ ក្នុងចំណោមគ្រួសារជនជាតិភាគតិចជាង ៣៥.៦០០ គ្រួសារជនជាតិភាគតិចលើភូមិសាស្ត្រខេត្ត និងគ្រួសារក្រស្រូបអត្រាត្រឹមតែ ២,០៥% ចំណែកគ្រួសារប្រកៀកបន្ទាត់ក្រវិញនូវត្រឹម ៣,១៧% ប៉ុណ្ណោះ។ តួលេខទាំងនេះបានបង្ហាញពីប្រសិទ្ធភាពនៃគោលនយោបាយក្នុងការថែទាំ និងការឧបត្ថម្ភបងប្អូនជនជាតិភាគតិចក្នុងរយៈពេលជាច្រើនឆ្នាំមកហើយដែរ។

ផ្តោតលើលទ្ធផលដែលសម្រេចបាន នៅចុងឆ្នាំ២០២៥ ខេត្ត Cà Mau បានចេញផែនការលេខ ០២៦២ ដើម្បីអនុវត្តយុទ្ធសាស្ត្រកិច្ចការជនជាតិសម្រាប់រយៈពេល ២០២១-២០៣០ ជាមួយនឹងចក្ខុវិស័យដល់ឆ្នាំ២០៤៥ និងផែនការលេខ ០២៧០ ដើម្បីអនុវត្តកម្មវិធីគោលដៅជាតិសម្រាប់រយៈពេល ២០២៦-២០៣០។ ចំណុចសំខាន់គឺការអភិវឌ្ឍដ៏ទូលំទូលាយ និងប្រកបដោយចីរភាពនៃតំបន់ជនជាតិភាគតិច បង្រួមគម្លាតនៃប្រាក់ចំណូល ជីវភាពរស់នៅ និងការទទួលបានសេវាសង្គម និងក្នុងពេលដំណាលគ្នាលើកកម្ពស់ការកសាងជនបទថ្មី កាត់បន្ថយភាពក្រីក្រប្រកបដោយចីរភាព ព្រមទាំងរក្សាអត្តសញ្ញាណវប្បធម៌ និងពង្រឹងចំណងសាមគ្គីទូទាំងជនជាតិ។ ដល់ឆ្នាំ២០៣០ ខេត្តមានគោលបំណងកាត់បន្ថយចំនួនគ្រួសារក្រីក្រយ៉ាងច្រើន និងលុបបំបាត់តំបន់ដែលជួបការលំបាកទាំងអស់។

យោងតាមលោក Nguyễn Kiến Chúc អនុប្រធានគណៈកម្មាធិការប្រជាជនឃុំ Khánh Lâm មេរៀនដ៏សំខាន់ដែលបានរៀនបន្ទាប់ពីការរួមបញ្ចូលខេត្តរយៈពេលមួយឆ្នាំគឺការប្រើប្រាស់កម្លាំងរួមគ្នានៃប្រព័ន្ធនយោបាយទាំងមូល និងដាស់ស្មារតីនៃការពឹងផ្អែកលើខ្លួនឯង និងការកែលម្អខ្លួនឯងក្នុងចំណោមប្រជាជន ជាពិសេសជនជាតិភាគតិច បង្កើតសន្ទុះដើម្បីលើកកម្ពស់ការអភិវឌ្ឍសេដ្ឋកិច្ច-សង្គមរបស់ភូមិភាគ។

បណ្តាការផ្លាស់ប្តូររបស់តំបន់ជនជាតិភាគតិចបញ្ជាក់ពីប្រសិទ្ធភាពគោលនយោបាយនៃការរៀបចំអង្គភាពរដ្ឋបាលឡើងវិញ និងអង្គការចាត់តាំងក្បាលម៉ាស៊ីន។ នៅពេលដែលរដ្ឋាភិបាលកាន់តែខិតជិតប្រជាជន ប្រភពធនធានត្រូវបានប្រមូលផ្តុំប្រកបដោយប្រសិទ្ធភាព ហើយគោលនយោបាយត្រូវបានអនុវត្ត ជនជាតិភាគតិចមានការលើកទឹកចិត្តកាន់តែខ្លាំងក្នុងការអភិវឌ្ឍសេដ្ឋកិច្ចរបស់ លើកកម្ពស់ជីវភាពរស់នៅ និងព្រួតដៃគ្នាដើម្បីកសាងមាតុភូមិ Cà Mau ឱ្យកាន់តែសម្បុរដ៏រុងរឿង៕

Kiều Nương - Chiêu Vương